علامات الكلب بيعبرلك بيها إنه تعبان


Home Remediesأكيد كلبك لما بيتعب بيكون صعبان عليك . وساعات عدم قدرتهم عن التعبير بتخلينا ماناخدش بالنا من علامات إنهم بيعانوا من ألم أو تعب
ملحوظة : لو كلبك تعبان أو إنت شاكك إنه مريض لازم تكلم الطبيب البيطري. النصايح اللي هنا لا تغني عن تشخيص وعلاج الطبيب

لما الكلب يكون بينهج لمدة طويلة بشكل متواصل في الغالب درجة حراره جسمه مرتفعة أو متألم. في اللحظة دي متستعجلش وتديله ماء. جيب فوطة مبللة وامسح بيها على وجهه وبطنه لتنزيل درجة الحرارة. بالاضافة لذلك اكشف على جسمه وشوف لو عنده أي جروح أو لو  بيعرج مثلا. لو محصلش أي تحسن كلم الطبيب البيطري
لو كلبك اكل أي أدوات حادة زي قطع بلاستيك أو عظم رفيع مطبوخ اديله زبادي فورا. الزبادي يعتبر مضاد للحموضه طبيعي ويساعد على حمايه الأمعاء. اليوم التالي على الاقل أكله مسلوق فقط. أرز مع فراخ مع بطاطس مثلا وراقبه وهو بيعمل حمام. لو لاقدر الله لاحظت أي دم في البراز  اذهب للطبيب البيطري فورا. في اللحظة دي حياته ممكن تكون في خطر. إقرأ المزيد عن كيفية التصرف لو كلبك أكل بلاستيك
لما يجيله اسهال أو مغص في بطنه وارد جدا ميبقاش قادر ياكل. في الحالة دي بلاش تغصب عليه. الامتناع عن الأكل لمدة يوم ممكن يساعده. بعد كده اديله اكل مسلوق لمدة يومين. الأرز المسلوق من أفضل الاكلات للكلاب في حالات الإسهال. ممكن تزود معاها كمان فراخ مسلوقة
في مرحلة التسنين لما تكون اللثة والأسنان ملتهبة اغلب الكلاب بيرفضوا الاكل وبيبدأ يعض أي حاجة في البيت. جهز فوطة نظيفة صغيرة مبللة بماء وحطها في الفريزر لحد ماتتجمد. بعد كده اديهاله يعضها. دي بتهدي الألم عندهم شوية. بالنسبة للأكل اديله أكل متسقي بماء أو شوربة عشان يكون اسهل في المضغ. إقرأ المزيد عن كيفية التصرف مع كلبك في مرحلة التسنين
لو كلبك عنده جرح صغير وسطحي ممكن إستخدام مرهم مثل الفيوسدين أو بيتادين أو ماء أكسجين مخفف. لو الجرح عميق كلم الطبيب البيطري فورا

عشان تعرف أعراض ضربة الشمس عند الكلاب وتعمل إيه لو شاكك إن كلبك جاتله ضربة شمس اضغط الرابط ده

Leave a comment