تعمل إيه لما كلبك يتسول


Begging Dogs مربي الكلاب عارفين شكل العيون المتسولة الصعب جدا مقاومتها.. لما تكون قاعد على السفرة وقت الأكل وتلاقي عيون مترقبة متابعة لكل تحركاتك وإنت بتاكل في انتظار حتة صغيرة من اللي بتاكله

للاسف بـضعفك عند النقطة دي لو اديته على سبيل “اهي مرة واحدة وخلاص ” كده إنت بدأت فعليا في تربية كلب شحات
الكلب بيفهم المكافأة لما يعمل حاجة صح. لما ييجي يتسول منك وإنت بتاكل و تديله من اكلك هو كده فِهِم إنه عمل حاجة صح وأخد مكافأة عليها . وهيفضل يكرر هذا السلوك معاك ومع غيرك ظنا إنه بيعمل حاجة صح ترضيك

المشكلة كمان إنه لو كلبك حجمه كبير ممكن المرة الجاية مايستناش لما إنت تديله حاجة  .. ممكن جدا يخطف الأكل من على مائدة الطعام  ويجري. لكل الأسباب دي ننصح إنك ماتسمحش بالسلوك ده ووضح القواعد دي لأفراد الأسرة وأي ضيوف تجيلك. لازم الكلب يفهم إن مائدة الطعام من الخطوط الممنوع يتخطاها وده من اهم الخطوات لتربية الكلب المطيع . لو عايز تقرأ اكتر عن تربية كلب مطيع اذهب للرابط ده

ازاي تتصرف لو كلبك جه يتسول
تجاهله تماما أثناء تناولك للطعام. الكلاب بتفهم ده. أثناء الأكل هما مش بيحبوا الازعاج. أفضل شيء متكلمهوش ولا تبصله أثناء ما أنت بتاكل
قاوم العيون المتسولة. ساعات الكلب ممكن يمارس عليك ضغط نفسي في التسول بالأنين أو البكاء برده لازم التجاهل التام لحد مايبطل يتسول
حول انتباهه لحاجة تانية أثناء تناولك للطعام . ممكن تخليه ينام في سريره أو تديله لعبة وتكافؤه بعد انتهائك إنت والأسرة من الوجبة
اهم حاجة الثبات على المبدأ. كل أفراد الأسرة لازم تتبع نفس القواعد لتربية الكلب

ملحوظة: لما كلبك يتسول دي مش غلطته .. دي غلطة حد في بيتك سمحله بالتسول والكلب اعتبرها شيء عادي

Leave a comment