كيفية تنظيف أذن كلبك


كيفية تنظيف أذن كلبك

بالرغم من ان نظافة أذن الكلاب شئ مهم الا انه شئ سهل جدا ومش محتاج مجهود. الكلاب اللي عندها أذن كبيرة دائما تحتاج عناية اكثر. للابتعاد عن التهابات الأذن خلي نظافتها في روتينك علي طول. تعلم كيفية تنظيف أذن كلبك

أولاً: فحص الأذن
لازم تفحص الأذن كويس عشان تتاكد ان مفيش اي جرح او سائل شكله غريب في الداخل. لو حسيت او شفت ان في حاجة شكلها مش مظبوط وقف تنظيف الأذن و كلم الدكتور علي طول

الاعراض التالية تشير الي التهابات في الأذن
١- التهاب او تورم في او حول قناه الأذن
٢- اي نوع من الافرازت اللي لونها او شكلها او ريحتها وحشة
٣- آذان حساسة للمس بواسطة يديك أو يد الكلب
٤- هرش الأذن طول الوقت

لو ماشفتش اي حاجة من الي فوق تقدر تكمل تنظيف الآذان من الداخل

ثانياً: البحث عن اجسام غير مألوفة
آذان الكلاب هي المخبأ المثالى للحشرات كالقراد و البراغيث فلازم تتأكد ان الأذن مفيهاش حاجة و لو في لازم يتشال علي طول بالملقاط ويتمسح مكانها بمحلول التنظيف

ثالثاً: بدء التنظيف
بعد التأكد من الخطوات السابقة إبدأ بوضع قطنة في محلول النظافة وعصرها جيداً لإزالة الزيادة حتي لا تتسرب داخل الأذن
يجب استخدام قطنة مختلفة لتنظيف الداخل عن الخارج  و خلى بالك بلاش القطنة تدخل فى عمق الأذن لأن الكلب هيبدأ يقاوم عملية التنظيف. لازم تتاكد من عدم دخول محلول النظافة فى قناة الاذن

فى الآخر كافئ كلبك بتريتس لتسهيل عملية التنظيف المرة الجاية

ملحوظة
لاحظ ان الشمع الاسود او البنى و يكون غامق و جاف شبه حبوب القهوة مؤشر لوجود عث الأذن

لفصائل الكلاب اللى عندها أذن كبيرة او الكلاب اللي بتحب السباحة ننصح بتنظيف الأذن مرة كل اسبوع. او طول ما أذن كلبك شكلها صحي, هتحتاج تنظفها مرة فى الشهر كفاية

وصفات منزلية
١- لعمل محلول تنظيف اخلط ثلث كوب خل التفاح مع ثلثي كوب ماء بدرجة حرارة الغرفة

٢ – زيت الزيتون بيسهل إزالة الشمع

كتابة فرح خالد 

Leave a comment