محاربة القراد والبراغيث في سيارتك


Dog in Car

ساعات كتير بننسى أهمية تنظيف السيارة. بنلاقي نفسنا بنتعب في تنظيف البيت وعلاج الكلب من الحشرات لكن برده في حشرات لسة موجودة ! الرطوبة والسخونة في سيارتك جو مثالي للحشرات الطفيلية دي.  لو بتخرج إنت وكلبك في العربية وفيها حشرات ممكن جدا يكونوا بيتنقلوا معاك للبيت تاني ! عشان كده مهم جدا تنظيف السيارة بشكل دوري بالذات في الصيف

لمعرفة كيفية تطهير بيتك من الحشرات الطفيلية اضغط الرابط ده

لمعرفة كيفية علاج كلبك من القراد والبراغيث اضغط الرابط ده

لمعرفة كيفية التخلص من الحشرات في الحدائق اضغط الرابط ده

 لتنظيف سيارتك والوقاية من تفشي الحشرات فيها عليك بالآتي على الأقل مرة في الإسبوع
تنظيف الكراسي الأمامية والكنبة الخلفية وكذلك تحت الدواسات. ننصح للسهولة شراء المكنسة الكهربائية المحمولة واستخدمها مع تفريغها بعد كل استعمال
كمان عليك بغسيل الدواسات الأربعة جيدا بالماء الدافئ والصابون ووضعهم في العربية بعد مايجفوا تماما

جهز عبوة رش واملاها نص ماء و نص ديتول وخليها معاك دايما في العربية كبديل للمبيد. قم برش الدواسات الأمامية يوميا أو كل يومين. الدواسات الخلفية رشها لما كلبك يكون مش معاك واتأكد انهم يكونوا جافين تماما قبل مايركب العربية. الديتول قاتل للحشرات الطفيلية وبالرغم انه من الحلول الكيميائية إلا إنه أخف ضررا من المبيدات السامة

لما كلبك يكون مش معاك ممكن استخدم طارد الحشرات مثل الأوف لرش الدواسات الأمامية فقط مع ترك الشبابيك مفتوحة ربع الى نصف ساعة على الأقل. يمكنك ايضا استخدام خلطة خل مع ماء مع قليل من صابون المواعين كطارد آمن حول الأطفال والحيوانات. لو عندك مشوار لوحدك  من غير كلبك أو أطفالك ممكن ترش العربية وتسيب الشبابيك مفتوحة وإنت سايق. بلاش ترش النصف الخلفي بالأوف اطلاقا لو كلبك بيقعد فيه عشان مايلحسهوش

حُط في العربية معطر برائحة اللافاندار. الحشرات مثل القراد والبراغيث بتكره رائحة اللافاندار. نفس الشيء لرائحة الكافور

لو عايز وصفات مبيدات طبيعية وآمنة اضغط الرابط ده

Leave a comment